Milwaukee Foreclosure Mediation Program

Suav txij li lub Tsib hlis 2009 no los xwb, nroog Milwaukee muaj cov tsev raug foreclosure 7,500 lub tabtom yuav kaw lawm. Yog muab piv rau cov tsev raug kaw xyoo 2005 dhau los, tus lev cov tsev yuav raug kaw muaj yuavluag plaub npaug. Yog li tsev hais plaub thiaj qhib muaj txoj kev rau tus tswv tsev thiab lub txhab nyiaj tuaj sib tham saib puas muaj kev sib kho, tso cai rau ob tog sib hais txog cov teeb-meem them tsis taus nqe, yog tias tus tswv tsev thiab lub txhab nyiaj txaus siab siv cov peev "equity" uas tus txais ntiaj twb tso rau lawm los kho kom haum, xwv peb lub zej zos thiaj li yuav nyob ruaj khov mus tom ntej.

Marquette University Law School tabtom tsim muaj lub rooj sib tham txog cov tsev raug foreclosure nyob rau hauv Milwaukee County Courthouse. Peb tau me ntsis peev los hauv City of Milwaukee thiab tau nyiaj pab los ntawm Attorney General Van Hollen, Marquette University Law School, peb yuav ua cov tswj txoj num rau hauv nroog Milwaukee Foreclosure, pab cov tswv tsev kom tau sib hais. Tus thawj tswj uas yuav nrog sib kho, yog ib tug muaj licensed hais plaub thiab twb paub nws tes num los lawm ntev, nws yog tus yuav tuaj zaum txhua hnub nrog kho cov plaub thaum ob tog tuaj sib hais, thiab nws yuav saib xyuas cov volunteer uas tuaj pab sablaj rau ob tog txog cov teeb-meem tsev raug foreclosure.

Qhia meej txog cov kev pab tsuas muaj li no:

• Peb tsuas pab tau rau tus tswv tsev uas nws nyob hauv thiab lub tsev yuav raug foreclosure, thiab lub tsev tsuas nyob tau li 4 yig rov los hauv xwb.
• Muaj ib daim ntawv hais tias lub tsev no nyob rau hauv qhov kev sib tham ntawm ob tog uas tsis txaus siab vim lub tsev yuav raug kaw nrog.
• Yuav muaj kev sib hais los yuav tsum yog ib tog, xws li tus tswv tsev los sis lub txhab nyiaj thov tuaj kom pab daws teeb-meem, thiab yog tias tus tswv tsev yog tus xub thov, nws yuav tsum xub raug txheeb xyuas saib ntawm qhov nws tsis them nqe puas yuav pab tau kom kev sib hais zaum no puas daws tau nws li teeb-meem tso.
• Both the borrower and the lender must agree to mediation.
• Rooj sib tham yuav tau muab teem sijhawm li ntawm 45 - 60 hnub tom qab tau txais daim ntawv uas ib tog tau thov tuaj lawm.
• Feem ntau thaum tuaj sib hais tsuas yog qhib ib txoj kev rau ob tog tham saib puas muaj kev, xws li hloov sijhawm them nqe, muab lub tsev muag kom sai, thiab lwm yam uas ob tog pom zoo rov sib cog lus tshaib xwb.
• Raws li cov tub tuaj mloog tej plaub tsis them nqe tsev no hais, feem ntau puavleej pab kho tau thiab tsuas yog txoj kev uas yuav pab xaus tau teeb-meej zoo rau ob tog lawm xwb.

Listen to the announcement.